六星連珠

1978 and 1981
利物浦最輝煌的年代，利物浦亦在這兩季贏得歐冠杯，在這兩年亦有不少事發生

七八年，前任教宗保祿六世及若望保祿一世先後去世、威爾斯勇奪世界欖球冠軍、利物浦於聯賽杯決賽飲恨僅得亞軍；

八一年，英國王儲查理斯迎娶戴安娜、利物浦以第五名完成聯賽，而當年係農曆雞年。

到○五年，「六星連珠」乍現：教宗若望保祿二世辭世、威爾斯事隔廿七年再奪世界欖球錦標、查理斯再婚迎娶卡米拉、利物浦於聯賽杯決賽敗予車路士並於聯賽以第五名畢業、今年仲係雞年，巧合程度真係唔到你唔信！

結果利記果然擊敗AC 贏得05年既歐冠杯！
過程峰迴路轉AC 在上半場已經入左三粒, 原以為半場 3:0 領先差點更打算熄電視─訓覺！好在打算上網check E-mail先訓！結果下半埸55分鐘先由謝拉特頂入一粒，跟住七分鐘內再追兩粒，追和3:3直到完場! 然後以十二碼擊敗AC!

咁既賽果無論係同事、同學、朋友間當然有不少回響！當然大部份人都買重AC，奉利記的較少!
至於我就比較睇好利記，因為覺得賓利迪斯有D料到，起碼佢都係用有限米另到華倫成為雙冠！

不過除左有"六星"宿命論，更有黑手黨出手論！
因為有人相信半場期間，AC俾人大，所以下半場就......不過如果係做波既話咁舒夫真高就真係最佳男主角呢? 除左最後果球十二碼，穿中間俾杜迪克撲左！中間重有一球射完被杜迪克救左，幾碼前快腳又射中杜迪克! 相信世界足球先生不是舒生才怪！所以我不太信此說!

其實賽果如果也好，都是給大家茶余飯後多一點話題! 而最給我印象的是本場最佳球員─謝拉特。
老實說相對平時今場他的表現只可說是一般，但他卻入了重要的第一球，更為整隊球隊打入了生氣，將士氣提升到頂點，完全發揮隊長的能力！他的感染力真的好勁，leader唔易做呀！

而生於1978的朋友唔知會否像利記受"六星"影響，走出人生轉淚點！
不過相信首先要找到生命中的謝拉特和賓利迪斯!




可惜利物浦下季不能衛冕! 想再睇賓利係歐冠既功力可能要等下！
(p.s. 在寫文時話有d轉機)